Bømlo kulturskule held til i flotte lokalar i Bømlo kulturhus. Med eigne øvingsrom for instrumentalopplæring, dansesal og black box-teater ligg tilhøva godt til rette for undervisninga. Kulturskulen har totalt om lag 500 elevar.
Bømlo kulturskule tilbyr instrumentalopplæring på følgjande instrument: Piano, tangentinstrument, ulike gitarar samt strykeinstrument. Opplæring på strykeinstrument rekrutterer til Bømlo Strykeorkester. Det vert óg gitt undervisning på messinginstrument, treblåseinstrument og slagverk. Denne opplæringa rekrutterer til skulekorpsa i kommunen.
Kyrkjeorgel
Me er spesielt interesserte i elevar som ønskjer opplæring på kyrkjeorgel. Det vert lagt til rette for øvingstid i kyrkja.
Musikkterapi
Dette er eit tilrettelagt tilbod for born og unge med ulike former for lærevanskar.
Biletkunst
Med dette tilbodet får elevane opplæring i elementære teknikkar gjennom praktisk arbeid. Ved å stimulera borna sin kreativitet og fantasi skal dei motiverast til å utvikla sitt eige biletspråk.
Teater
Teatertilbodet vert gjeve i grupper. For dei minste vert det lagt vekt på leik og øvingar.
1.-3.kl: 1 x 60 min pr veke, 4.kl og oppover: 1 x 120 min pr.veke. For denne gruppa vert det lagt vekt på undervisning i skodespelar- og tekniske disiplinar som t.d. kropp, stemme, mimikk og arbeid med manuskript.
Dans
Tilbodet tek sikte på å utvikla elevane innafor sjangrane kreativ dans, jazzdans, klassisk ballett, streetdance og moderne dans. Nye elevar vert tekne opp frå 1. klasse og oppover.
Gutar vert spesielt oppmoda om å søkja.
Retningslinjer for Bømlo kulturskule finn du her >>>
Søknadsskjema for Bømlo kulturskule finn du her >>>
Kontaktinformasjon:
Bømlo kulturskule
5430 Bremnes
Tlf: 53 42 33 50
Faks: 53 42 33 51
Epost: bmok@bomlo.kommune.no