Bømlo vaksenopplæring ligg i Svortland sentrum og har eigne lokale i OJS-bygget. Vaksenopplæringa er den skulen som skal gje kommunale tenester til vaksne som har rett og/eller plikt til opplæring ut frå Lov om introduksjonsordning og opplæringslova kap. 4 . Det vil seie at me har ansvar for introduksjonsprogrammet for nye flyktningar, og opplæring i norsk og samfunnskunnskap for vaksne innvandrarar. Me har og grunnopplæring og spesialpedagogiske tilbod for deltakarar som av ulike årsaker ikkje har fullført eller vil betra vitnemål frå grunnskulen. Me tilbyr også rettleiing og hjelp for vaksne som ynskjer å få vurdert realkompetansen sin. I tillegg har me tilbod om norskkurs på kveldstid for utanlandske arbeidstakarar som ikkje har rett og plikt til norskopplæring. Me har mange samarbeidspartnarar - både offentlege og private.
Personalet på 14 personar, er alle utdanna pedagogar, men med ulik utdanningsbakgrunn. Nokre av dei fagfelta som personalet har vidareutdanna seg innanfor er m. a. vaksenpedagogikk, spesialpedagogikk, norsk som andrespråk, interkulturell kommunikasjon, religion, ulike rettleiingsmetodar og samfunnsplanlegging.
Me har fire inntaksperiodar i året der nokre deltakarar går ut av opplæringa og andre kjem inn. Talet på deltakarar har frå hausten 2008 vore på om lag 200. Ulike opplæringstilbod føregår frå måndag - torsdag mellom kl. 09.00 - 20.00. Fredag er administrasjonsdag for personalet.
Postadresse:
Bømlo vaksenopplæring
Rådhuset
5430 Bremnes
Besøksadresse:
Tverråvegen 1 v/drosjesentralen
5430 Bremnes
Tlf: 53 42 36 92/95/96/97
Faks: 53 42 36 91
Epost: kari.friis@bomlo.kommune.no